Ugu yaraan 10 qof ayaa ku geeriyootay, tiro kalana waxaa ka soo gaaray dhaawacm kaddib Dagaal ka dhacay shalay gelinkii dambe tuulooyin hoosyimaado Degmada Luuq ee gobolka Gedo.
Hobyonet. Muqdisho Talaado, April, 28, 2008
Dagaalakaasi oo dhexmray labo beeleed oo deegaankaasi wda dego ayaa waxaa uu sababay dhimashada ilaa 10 qof iyo dhaawaca in ka badan 15 qof oo kale.
Warar dheeraad ah ayaa xaqiijinaya in labo Tuulo, oo ay kala degaan labdaasi beeleed la gubay , iyadoo dagaalkaasi uu joogsaday xalay isla markaana dhinacyadii halkaasi ku dagaalamay ay weli is horfadhiyaan , ayna suurta gal tahay in markale dagaal ka dhex qarxo.
Dagaalkaasi ayaa ka dhashay muran xaga biyaha iyo daaqsinka ah sida ay noo xaqiijiyeen goob joogayaal , waaana taasi arrinta dhalisa dagaalada ka dhaca deegaanada miyiga , kuwaasi oo galaafta dad badan oo rayid ah iyo maleeshiyada qabiilka ee dagaalka isaga soo horjeeda.
Maslah Osman
Hobyonet
