Wararka Sportiga ee Hobyonet iyo falanqeyntooda

Madaxa kooxda ROMA, Luciano Spalletti, ayaa ka codsaday taageerayaasha kooxdaasi in aysan ka careysiin  ciyaar yahanka kooxda kaga ciyaara difaac Cristian Chivu, kaasoo la sheegay in uu dhawaan wadahadal la galay kooxda Inter, oo u ballan qaaday in ay ku qaadan doonto lacag malaayiin doolar ah, halka kooxaha Real Madrid iyo Barcelona ay iyada si gooni ah u doonayaan ciyaar yahankaan.

Laacibka difaaca kaga ciyaara xulka kubadda cagta ee dalka Argentina iyo kooxda Mansherter United, Gabriel Heinze, ayaa la filayaa in uu ku qanciyo tababaraha kooxda Man. United in uu aqbalo heshiiska ku kacya £7m ee uu ugu dhaqaaqayo kooxda Liverpool, inkastoo Ferguson uu si weyn uga soo horjeedo in ciyaar yahankaan laga iibiyo koox Man. United uu xifaltan kala dhaxeeyo.

Ciyaar yahan Alessio Tacchinardi, ayaa soo afjaray heshiiskii uu kaga mid ahaa ciyaar yahanada kooxda kubadda cagta ee Juventus, kadib m arkii uu 11 sano la joogay kooxda, isagoo hadda u madax bannaan in uu dhaqaaqo goobtuu doono, Waxaana war ka soo baxay kooxda lagu ammaanay laacibkaan.

Guddoomiyaha xiriirka kubadda cagta ee dalka Talyaaniga, Giancarlo Abete, ayaa ku adkeystay in ay muhiim tahay in xaddigga dalkaasi Francesco Totti lagu sharfo caiyaaraha kubadda cagta ee dalkaasi, iyadoo ay jirto in ciyaar yahanka oo goor hore ka fariistay ciyaaraha kubadda cagta ee caalamiga ah.

Kooxda kubadda cagta dalka Ingiriiska ee Middlesbrough, ayaa oggolaatay in ay ku soo iibsato lacag dhan £2.5m ciyaar yahanka  difaaca kaga ciyaara  kooxda Charlaton Luke Young, oo muddo dheer la joogay kooxdiisa

Kabtanka kooxda kubadda cagta ee Roma Francesco Totti, ayaa si kulul u weerary xariirka kubadda cagta ee dalka Talyaaniga, wuxuuna ku hanjabay in uu ka tagi doono ururka ciyaaryahanada ee dalkaasi.

Ciyaar yahanka dhinaca weerarka kaga ciyaara xulka dalka Ingiriiska iyo kooxda Manchester Untied, Wayne Rooney, ayaa sheegay in  uu si weyn ugu faraxsan yahay in ciyaaryahan Carlos Teves uu ku soo biiro kooxda Manchester united, xilli kooxdii uu ciyaari jiray Teves ee West Ham ay sheegtay in aan wax heshiis ah laga gaarin ciyaaryahanka.

Ciyaar yahanka caanka ah ee Julio Cruz, ayaa u dhaliyey goolkii ugu horreeyey ee xilli ciyaarkeedan ay dhaliso kooxda Inter, kadib markii 3-0 ay kaga badisay xulka dalka Shiinaha ciyaar ka dhacday magaalada Bayjiin.

Mid ka mid ah tiirarka muhiimka u ah kooxda kubadda cagta ee Chelsea, Arjen Robben, ayaa markii ugu horreysay qirtay in wadahadalka qandaraaskiisa ee uu kula jooga kooxda uusan u socon si wanaagsan, ayna suur gala tahay in uu kooxda ka tago.

Ludovic Giuly, oo u ciyaar jiray kooxda Barcelona, ayaa waxa uu xilli ciyaareedka cusub ku soo biiri doono kooxda kubadda cagta Roma ee dalka Talyaaniga, isagoo xalay maray baaritaan caafimaad oo uu kaga mid noqonayo kooxda Roma.

Tabaraha cusub ee kooxda Man, City. Sven-Goran Eriksson, ayaa waxa uu si xor ah ulla soo wareegay ciyaar yahanka qadka dhexe ee u dhashay dalka Brazilia Geovanni, oo mudda hal sano ah ka ciyaarayey koox ka dhisan dalkiisa.

Laacibka dalka Ingiriiska ee dhawaanu wareegay kooxda dalka Mareykanka ka dhisan ee Los Angeles Galaxy, David Beckham, ayaa shaki laga muujiyey in uu ciyaaro ciyaarta saaxiibtinimo ee ay maalinta sabatida ah yeelanayaan kooxdiisa cusub iyo kooxda Chelsea.

Ciyaar yahanka kooxda kubadda cagta ee Chelsea, ayaa ka nixiyey Chelsea kadib markii  uu qirtay in uu ka tagayo Naadiga haddii aan haddii aan loola dhaqmin si wanaagsan.waxaana si weynu daneynaaya kooxaha AC.Milan iyo Barca

Gool-hayaha kooxda Livorno Marco Amelia, ayaa rajadii uu ka qabay in uu ku biiro kooxda kubadda cagta ee Lazio ay sii yaraaneysaa kadib markii Lazio ay billawday in ay baadi doonto gool-hayaha kooxda River Plate. Juan Pablo Carrizo. wuxuuna ka niyad jabay in uu ka mid noqdo ciyaartoyada kooxa Lasio

Booliska dalka Ingiriiska, ayaa baaritaano dhinaca musuq maasuqa ah ku billaabay 3 kooxood oo ka dhisay dalkaasi.Kooxaha Newscastle, Portsmouth iyo Rangers, ayaa waxaa xafiisyadooda galay ciidamo ka tirsan booliska si loo baaro tuhumo la xiriiro in ay ku lug leeyihiin arrimo musuqmaasuq oo dhina sportiga ah.

Jahwareer xoogan ayaa soo food saaray mustaqbala weerar yahanka kooxda kubadda cagta Liverpool iyo  xulka dalka Ingiriiska Peter Croach, kadib markii ay korartay cabsida laga qabo in tababaraha kooxdaasi Rafael Benitez uu soo iibsaday weerar yahano afka hore ah.

Xulka kubadda cagta ee dalka Baraasiil, ayaa difaacatay koobka America, kadib markii ay 3-0 ku garaacday kooxdii loo saadaalinayey hanashada koobka ee Argentina, ciyaar ka dhacay dalka Venezuela.

Agaasimaha kooxda kubadda cagta ee Man United David Gill, ayaa sheegay in isku daygoodii ay kula soo wareegi lahaayeen ciyaaryahanka Carlos Teves ay dhibaato soo foodsaartay. waxaan wakhtiga uu ku sii yaraanayaa kooxda.

Ciyaar yahanka qadka dhexa uga ciyaara kooxda Manchester United Park Ji Sung, ayaa lagu wadaa in uu garoomada ka maqnaado ilaa bisha January dhaawac ka soo garay jilibka awgii, taasoo dhibaato ay ka muujinayaa taageerayaasha kooxda iyo ciyaartoyda

Tababaraha kooxda The Blues ee Chelsea, Jose Mourinho, ayaa uga digay laacibka dalka Jarmalka u dhashay Mecheal Ballack in uusan ka sii mid ahaan doonin ciyaaryahanada uu sida weyn ugu xisaabtamo haddii uusan si adag u shaqeyn. isagoo ku tilmaamay ciyaar yahan wanaagsan.

Gool-hayihii hore ee kooxda kubadda cagta ee Liverpool Jerzy Dudek, ayaa lagu wadaa in uu heshiis la saxiixdo kooxda kubadda cagta ee Real Madrid, oo uu ugu wareego si xor ah. isagoo ku celceliyey in uu jeclaan lahaa kooxdiisa.

Milkiilaha kooxda kubadda cagta ee Chelsea, Roman Abramovich, ayaa la filayaa in uu wadahadal la yeeshay laacibka u dhashay wadanka Ukraine Andriy Shevchenki todobaadka soo socdo, ka hor inta uusan go’aansan in uu dib ugu laabto kooxdii uu u ciyaari jiray ee AC Milan.

Kooxda Manchester City, ayaa waxa ay heshiis la soo saxiixatay laacibka 20 jirka ah ee u dhashay wadanka Switzerland Gelson Fernandes, oo ay kaga soo iibsatay kooxda FC Sion lacag aan la shaacin inta ay dhan tahay.

Tababaraha kooxda kubadda cagta ee Chelsea Jose Mourinho iyo milkiilaha kooxdaasi Roman Abramovich, ayaa dhammeeyey khilaafkoodii mudada dheer soo jiitamyey, kadib markii ay kullan ku yeesheen garoonka kooxda ee Stamford Bridge horraantii bishaan

Laacibka u dhashay wadanka Spain, una ciyaara kooxda kubadda cagta Arsenal ee dalka Ingiriska Cesco Fabregas, ayaa shaaca ka qaaday in uusan u dhaqaaqi doonin kooxda Real Madrid, wuxuuna ballan qaaday in uu mustaqbalkiisa ku dhameysan doono kooxda Arsenal.

Ciyaartooyda ka wareegay kooxahoodii ee xilli ciyaareedka soo socdo u ciyaari doono kooxa kale, ayaa waxa qaarkood lagu iibsaday lacag aad u farab badan,  iyadoo ciyaaryahanadaas lag xusi karo Thierry Hendry.

Ciyaar yahanka kooxda kubadda cagta Ajax Ryan Babel, ayaa waxa uu kooxda Liverpool manta la saxiixan doonaa heshiis 5 sano ah, kadib markii labada koox ay ku heshiisiyeen in ciyaryahanka lagula soo wareego lacag gaareyso £11.5m. july 13, 2007

Kooxda kubadda cagta ee Manchester United, ayaa iska fogeysay wararka sheegaya in ciyaar yahanka Carlos Teves la filayo in maalinta Talaadada ah uu maro baaritaan caafimaad si uu uga mid noqdo ciyaartooyda naadigaasi.july 13, 2007

Xulalka Argentina iyo Mexico, ayaa u gudbay ciyaaraha afarta ee tartanka koobka Laatiin Ameerica. july 12 2007

Owen oo iska fogeeyey in uu ka tagi doono kooxda uu muddada la joogay ee Newcastle United      july 12 2007

Xulka kubadda cagta ee dalka Argentina, ayaa 3 iyo 0 ku garaacay xulka dalka Mexico, iyadoo ay Argentina u gudubtay caiyaarta Finalka oo ay ola yeelan doonto wadanka Brasile.          july 12 2007

Laacibkii hore ee kubadda cagta adduunka ee Pele, ayaa sheegay in uu rumeysan yahay in David Beckhem uu horumarin karo ciyaaraha, balse loo baahan yahay in uu lahaado diyaargarow wanaagsan.july 12 2007