Dugisga H/dhexe ee Hantiwadaag ayaa waxaa laga hirgeliyay barnaamij lagu quudinayo ardeyda Dugsigaasi oo xaruntiisu ku taal Magaalada Muqdisho. iyadoo Barnaamijkaasina ay fulineyso Hey'adaha WFP .
Hobyonet. Muqdisho Talaado, Oct. 30, 2007
Dugsiga ayaa waxaa laga quudiyaa ama lagu caawiyay in raashin karsan la siiyo iyadoo la tixraacayo qorshe loo dejiyay ardey gaareysa 702 ardey kuwaasi oo ka kooban Wiilal iyo gabdho.
Dugsiga Hantiwadag ayaa waxaa ugu deeqay raashinkaan Barnaamijka Cuntada aduunka ee WFP, si ardeyda suurta gal ugu noqoto in ay sii wataan howlahooda waxbarashada.
Dugisga oo la dhigto labada gelin ee Subax iyo Galab ayaa waxaa ardeyda loo qeybiyaa raashin bisil , waxaana Subaxdii ay ku quraacdaan Mushaari halka xiliga duhurkiina ay Qado ahaan u cunaan Bariis.
Hey’addaha WFP, Danyar, iyo Maamulka dugsiga ayaa waxey barnaamijkaan qorshihiisa ka yeesheen wada hadal , si wax loogu qabto ardeyda wax ka barta Dusiga Hantiwadaag, oo ay u badan yihiin kuwo danyar ah isla markaana aan iska bixin karan lacagaha faraha badan ee lagu dhigto dugsiyada Magaalada Muqdisho.
Hey’adda WFP waxey ka wadaa dugsiga Hantiwadaag dhismo ay ku dhiseyso kushiin casri ah iyo labo qol oo aad u waa weyn , si ay wax ugu cunaan ardeyda ka kooban Wiilasha iyo gabdhaha.
Dugsiga waxaa hirgelitiisa iyo aas aaskiisa qeyb weyn ka qaatay jaaliyadaha dibedda iyo howlwadeeno firfircoon, waxuuna soo kordhiyay nidaam waxbarasho u horseeda dadka ku dhaqan Muqdisho, kuwaasi oo ka daalay schoolo lacago badan lagu dhigto.
Maslah Osman
Hobyonet-- Muqdisho
