(GALKACYO/HOBYONET)Wasiirka Shaqada Shaqaalaha Dhalinyarada Iyo Sportska Galmudug Mudane Saadaq Daahir Mire ayaa Maanta Magaalada Galkacyo Hadiyado Kala Duwan Ku gudoonsiiyay Suxufiyiinta Galmudug ee Galkacyo Ku Sugan.

Saadaq Daahir Wasirka Dhalinyarada Sportska Galmudug Oo Dhawaan Dalka Dib Ugu Soo Laabtay Kadib Safaro uu Ku gaaray Yurub Iyo Amerika ayaa Suxufiinta U qaybiyay Hadiyado Isugu Jira Qalabka Ay Wariyayaashu  isticmaalan  iyo Funaanado ay Ku Xardhantahay Magaca Galmudug Oo uu Wasiirku Wariyayaasha Uga Soo Sameeyay Magaalada Lodon ee Cariga Ingiriiska Wuxuuna Wasiirku Kadib kolkii uu Hadiyadahan Wariyaasha u Qaybshay kula dar daarmay In ay Si Wanaagsan Oo Cadaalada Dadka Iyo Dalku ku jirto U  Shaqeeyan.

Suxufiyiintii Uu Wasiirku Gudoonsiiyay Hadiyadaha ayaa Uga Mahad  Celiyay Mudane Saadaqa Daahir Mire Sida Wanaagsan ee Uu u Garab taaganyahay Bahda Suxufiyiinta Galmudug iyagoo Wasiirka Ku amaanay in uu ka qayb qaadano Dhiira galinta iyo horumarinta Saxaafada Gobalk.

Hadiyadahan uu Wasiirka Dhalinyarada Iyo Ciyaaraha Galmudug Maanta Gudoonsiiyay Suxufiyiinta Galmudug ayaa Noqona Kuwa wax ku ool ah Marka loo eego Qaabka Wasiirku uu Saxaafada ugu Dadaalayo iyadoo Suxufiyiinta Galmudug aysan Jirin Wax Mushaara oo ay Ka Qaatan Maamulka Galmudug Iyo Wasaarada Warfaafinta,Isla markaana Saadaq daahir Mire uu Noqonayo Masuulikii ugu Horeeyay ee Suxufiyiinta Galmudug Godoonsiya Hadiyad Dhiira galin ah inkastoo ay Jiraan Qaar Ka mida Masuuliyinta Maamulka Galmudug oo Mararka Qaar Suxufiyiinta Siiya Xogaa Agab ah Balse Tani ay Tahay Mid Ka duwan.

HOYGA WARARKA GALMUDUG IYO CAALAMKA  HOBYONET.COM

                      KALA XIRIIR

TIFATIRAHA GUUD EE Www.Hobyonet.com

CALI MAALIN NUR

Cmaalin17@gmail.com 

Hobyoeditor1@gmail.com

Tell:25290647333   

Galkacyo/Hobyonet)Madadxweynaha Maamulka Galmudug S/Gaas Cabdi Xasan Cawaale Qaybdiid oo kormeer ku tagay Taliska Qaybta Buliiska  ayaa la kulmay Saraakiisha Ciidanka Booliska Degmada Gaalakcyo wuxuuna  kula dardaarmay in amaanka magaalada Gacanta ay ku dhigaan oo ay u shaqeeyaan Shacabka ay u adeegayaan wuxuuna yiri waa in aad noqotaan Ciidan u taagan Sugida Amniga.

Galmudug waxa ay u baahantahay Amaan waxaana looga fadhiyaan ciidanka Booliska oo waa jibaadkiisa Guta Ciidanku waxa ay xaquuq kuleeyihiin Dowlada waxaana loo kala xulidoonaa Booliska Aqoon iyo karti waxaana looga baanyahay in Boolisku ay gacanta ku dhigaan Amaanka Magaalada oo shacabku ay helaan Amaan ay ku Hurdikaraan.

Kulanka Ciidanaka Booliska Degmada Gaalkacyo uu kulayeeshay manta waxa ka danbeeyey kulan kale oo madaxweynuhu layeeshay Ganacsadada Galmudug oo uu kala hadlay sidii ay uga qayb qaadan lahaayeen dhisida Dalka Dowlada Galmudugna Gacan uga siin lahaayeen arimo badan oo uu ugu horeeyo Amaankoodu .

Waxaana Maalinta Birito ah lagu wadaa in madaxweynaha iyo Madaxwene ku xigeenku ay kulomo laqaataan Odayaasha dhaqanka Galmudug iyo Madaxda Qaybaha Bulshada Qaarkood isoo tan iyo kolkii loo dhaariyay xilka madaxweynenimo waday kulamo gooni gooni ah oo uu la yeelanayay Cuqaasha iyi siyaasinta Galmudug. .

W/D:Cali Maalin Nur

Cmaalin17@gmail.com

Galkacyo-Hobyonet.com

Wasiirka Dastuurka iyo Dib-u-heshiisiinta C/raxmaan Xoosh Jibrill ayaa markiiba ku dhawaaqay in Ergado 96% u codeeyeen dastuurka dalka. Halka inta kalene ay qaarna ay diideen inta kalena ay ka aamuseen. Wuxuuna Sidoo kale Wasiirku Cadeeyay in sidaa uu Dastuurka dalka uu ku yahay mid sax ah oo loo codeeyay.

Wuxuuna intaa ku daray Ergada shirka joogtay ay gaarayeen 645 xubnood, 621 ka mid ah ayaa ku codeeyay, halka  13 ergo ay ku codeeyeen ay diideen, Waxaana sidoo kale ka aamusay 11 xubnood.

Wuxuuna Wasiirku xusay in maanta ay Soomaaliya u tahay maalin taariikhi ah maadaama ay Ergado si Wadaniya leh ku ansixiyeen Dastuurka dalka.

Ugu dambeyntii Ra’iisul Wasaaraha Soomaaliya Dr. Cabdiweli  Maxamed Cali ayaa sheegay in Soomaaliya maanta ay ka baxday KMG, wuxuuna tilmaamay in maanta dalka Soomaaliya uu leeyahay dowladd iyo dastuur.

Sidoo kale Ra’iisul Wasaare Cabdiweli wuxuu sheegay in ay dhamaadeen wixii loo yaqiiney Argagixiso iyo Burcad badeednimada Soomaaliya.

“Maanta waa maalin taariikh u leh Umadda Soomaaliyeed madaama ay Ergado Ansixisay Dastuurkii dalka, Waxaan maanta ka baxney KMG, maanta wixii ka dambeeyo waxaa inoo dhalanaya dowladd rasmi ah, Waxaa noqoney dowladd Dastuur leh”.

Wuxuuna intaasi ku daray Ra’iisul Wasaaruhu in Shahaaddo Sharaf la guddoonsiin doono Ergada ansixisay Dastuurka si Umaddo ay mustabalka u xasuusato howshii ay u qabteen.

– DHAMAAD -

–

Caawa ayaa kulmo xiiso badan dhici donaan waxaana la soo calaamadeeyey kulnka ugu adag inuu dhgexmarayo kooxha Ac MIlan Vs Arsenal, habada waatan warbixin ku saabsan kulankaasi.

Alessandro Nesta ayaa siiwadi doona tababarka AC Milan laakiin lama filayo in uu kulankan safto sida badan, xaaladan mid lamida ayaa waxa ku maqnaandoona weeeraryahanka muhimka ah ee Alxesandre Pato.

Kevin-Prince Boateng, ayaa helidoona safka hore ee ciyaartooyda dheelidoonta markii Layliye Massimiliano Allegri uu la dhacay xifadii uu ku soo bandigay xirada tababarka Kooxda.

Maxi Lopez ayaa seegidoon kulanka ayadoo Robinho uu ku bilaabandoono Shax ciyaareedka 4-3-1-2.

Clarence Seedorf ama Urby Emanuelson ayaa midkood loo baahandoonaa in lagu buuxiyo qadka dhaxe laakiin xidiga Amaahda ah ee Liverpool Alberto Aquilani ayaa wali dhaawac kumaqan manaciyaaridoon kulankan.

Mark van Bommel iyo Zlatan Ibrahimovic ayaa kulankii ugu danbeeyay ee Serie A Talyaaniga laga hakiyay laakiin hada waxaa lagu soo bilaabay ciyaartooda ugu soo horeeysa ee looga hortagayo Arsenal waxana ay arinta Ibrahimovic saameeyn ku yeelandoontaa balnqaadkii weeraryahanka da’da yare e Stephan El Shaarawy kaas oo ahaa dhaliyihii goolkii ay guusha ka soo hooyeen garoonka kooxda Udinese.

Antonio Cassano ayaa wali ka maqan kooxda difaacanaysa horyaalka Talyaniga AC Milan ka dib markii qaliin wadnaha looga sameeyay Bishii November ee Sandkii Tagay.

= = = =

Dhanka kale Kooxda Arsenal ayaa gaareeysa dalka Talyaaniga iyaduu uu ka maqanyahay daafacooda Per Mertesacker kaas oo dhaawac ka soo gaary Anqawga kunlkii ay Ganares ka guuleeystay Sunderland todobaadkan .

Hase ahaateen Arsenal ayaa war wanaagsan heshay markii la sheegay Kieran Gibbs uu dhaawicii ka soo laabtay taas oo ka dhigan in Thomas Vermaelen uu ku soo laabto booska daafaca dhexe ee hada banana halkaasi oo loogu kalsooni qabo.

Aaron Ramsey ayaa ku bilaawaday Binjiga kulankii Sabtidii waxana uu hada u muuqdaa mid iska dhax arka shaxda ah 4-3-3 taas oo macnaheedu noqonayo in uu galo booskii Tomas Rosicky.

Qadka dhexe Abou Diaby ayaa ku sii maqnaandoona xanuun dhanka Muruqa ah, Jack Wilshere isna lama arki doono ayadoo xidaga reer Braziil Andre Santos dib u soo laaban doona kadib qaliin lagu sameeyay.
Thierry Henry ayaa nasiibdaro aan ka midnaqon 11-ciyaaryahan ee lagu bilaabi doono ciyaarta ka dhicidoonto San Siro laakiin waxaa laga yaabaa in qeybta danbe ee ciyaarta lakeeno.

Maxaad Ka Xasuusataa tariikhaha labada Koox.

Arsenal ayaa kaalinta koobaad ug soo baxaday group ay ka tirsaneeyd in kastoo kulankii ugu dabeeyay kooxadanWaqooyiga London Ka dhisay lagu suul daaray 3-1.

Milan ayaa heerka ay hada ka taagantahay Koobkan ku soo gaartay juhdi badan oo ay bixisay maadaama ay group ahaayeen Kooxda Dunida ugu wanaagsan ee Barcelona koodan Talyaniga ah ayaa muujisay awood kulankii Camp Nou ka dhacay hase yeeshee kulankii kale ay la xaliyay.

Arsenal ayaa noqotay Naadigii ugu horeeyay ee AC Milan ku dharbaaxda Garoonkeeda San Siro markii Cesc Febregas iyo Emmanuel Adebayor ay dhaliyeen goolashii looga badiyay heerkan oo kale afarsano ka hore champions League.

AC Milan ayaa hada ah hogaamiyaasha Serie A aygoo ka koreeya Juventus oo kulan u baaqday.

Laakiin geesta kale Gunners ayaa kaalinta afaraad ku jirtay horyaalka premierleague,iyadoo dhinaca goolasha ay kaga horeyso Chelsea.

Kulan kale ayaa dhici doona caawa waxaana ku kulmaya Zenit iyo Benfica, xalayna Barcelona ayaa 3-1 ku garaacdey Liverkusen,halka Lyon 1-0 ku tuntay Apoell Nicosia.

www.hobyonet.com

Dad badan oo Soomaaliya ayaa rumaysan in dalka Soomaaliya dhibaatada haysata mudada dheer inay ka dhigan tahey dal iib ah, islamarkaana lagu iibinayo dad muuqa iyo magaca ka ah Soomaali oo hadane sheegana inay yihiin madaxdii ugu sareysay dalka Soomaaliya.

Dadka Soomaaliyeed waxaan rumaysan nahey inay yihiin dad walaalo ah islamarkaana aan sina u kale maarmin balse waxaa cad in shisheeye aan doonaynin in nabad iyo dowladnimo ka dhalato gayigeena inay mar walbo u maleegaan shirqoole lagu kale sii foogaynaya xalka Soomaaliya mar alle markii ay soo bidhaanto nabad iyo in la helo dowlad, hasayeeshee waxaa muhiim in Soomaalidu ay danteeda gartaan islamarkaana ka faaideystaan casharadii hore iyo khalalaadkii hore ayna ku badalaan isbadal dhab ah.

Shacabka Soomaaliyeed waxaa la gudboon inay kacaan islamarkaana ay qasab ku soo celiyaan nabadda iyo kale dambeynta, cid kasto shisheeye ku adeeganaya ay dhahaan na dhaaf ku dooni mayno, waayo IGAD & ICG iyo nin madaxtinimo raadinaayo iyo lacag oo Soomaali dhibaatadeeda ka shaqaynaya waxay nala tahey in laga hor yimaado lana xusuusiyo in Soomaaliya inay Soomaali leedahay, xalkeedana ay iyaga leedahay.

Kooxda Qeylo dhaan waxay marar badan heesaheeda kula hadashey shacabka Soomaaliyeed, waxaana ka mid ahaa heesihii hore qaybo ka mid ah:

1. HEESTII XILDHINAANIMOOY XAAL:

BAARLAMAAN XORAAN DOONEYNAA

XIISO LOO QABAAN DOONEYNAA

XAQ IN AAD DADWEYNOW LEEDIHIIN

XUKUNKU HA OGAADO

XAAFADAHA KA SOO WADA BAXOO

SHEEGTA XUBINTIINA

XAMAASADO KACSHOO XIISAD OLOLEEYA

ILAA AAD XAQIINII HESHAAN

YAAN LA XAGAL DAACIN

2. 550 XILDHIBAN BEESO LOO HELI MAAYO:

SHICIBKOOW SOO BAXA TOOSA
BOOWDYAHA MIYAAD JABANTIIN?
BUUL MIYAAD KU JIRTAAN?
BOORAR QAATA LAYAAB LEH
BAABKEY TUUNIS SAMEYSAY
BINI CALI AY KU ERYEEN
MASAR AY BIQI WEYDOO
XUSNI LOOGU BAREERAY
KA BILAABA HALKAASOO
HA KA BEYRINE YEELA
MAAFIYAYAHAY ISKU BIIRTAY
BOOLEYSI DHAMAAYAY
BAXA OO AAYAR NA DHAAFA
BERITAA NAGU DHEERE
SHACBKOOW BUUNKA AFUUFA
BIGILKIYO SEERIGA YEERSHAA

Heesta SOOMAALIYA WAA IIB miraheeda waxaa u qoran yihiin sidatan waxayna soo baxaysaa dhawaan hadii Allah idmo

MEEL LAGU DAGAALOO

DIRIC DHIIGII DAADSHOO

OO DALKA CIIDANKIISII

DOOXEEN CADAAWAHA

DURBA GUULO BADAN IYO

DEGMOOYIN AY XOREEYEEN

DOQON CADOWGU SOO DUMAY

DURBAAN UU U GARAACA

DABADEED YIRAAHDAA

DADWEYNUHU HA SOO BAXA

DOOLARBAAN SAIDAAYEE

DORASHAAN GALEYNAA

DANEYSTAA I SOO DIRAY

ANNIGAA DALAALOO

DALKAA NOO GADAAYAA

DANYARTIYO CARUUTIYO

DUMARKAAN GO’AAYANA

DANI NAGAMA HEYSEE

DAKANADA KUWAAN GALAY

NOOMA DIIRNAXAAYAAN

DIBADA BAXA DADWEYNOW

DAARTEY DHEX-JIIFAAN

IYAGU AY ISKU DOORTEEN

HADANA AY KA DOODAAN

DANAHOODA GAARKAA

SHIRQOOLADADA KA DUMAYAAN

WAA IN LAGU DUNSHAAYOO

DIBADA LOOGA SAARAA

DARUURIHINA MEY CURAN

DALAGIINA MUU BIXIN

GUGAAN DOOG LA WAAYOO

DEYRTII DHAWEYDNA

DHIBIC ROOBI AY DA’IN

DUUNYADII IDLAATO

DADKII WEY LE’ANAYAAN

DAMIIR LAAWE MOOYEE

SOOMALI DAACADA

DANTA GUUD ILAASHAHA

XUKUN DOONIMAAYEE

DIFAACBUU GALAAYAA

DULINIMO HA YEELINA

SOOMAALAY DIGTOONOW

DAWLADNIMANA LAMA RABO

DALKA HORUMARKIISEE

Abwaan Cabdi Shire Jaamac ‘’Ciyaar Jecel ‘’ ayaa ii sheegay inuu aad caawa ugu faraxsan yahey in shacabka Soomaaliyeed inay ku soo baraarugeen shirqoolada loogu maleegayo dalkeena dalalka dariska nala ah, islamarkaana uu hambalyo leeyahay dadkii kacdoonka Muqdisho ka dhigay labadii maalmood ee ugu dambeysay.

Waxaan rajeynayaa kacdoonkii Muqdisho ka bilaawdey oo uu naftiisa ku waayay Hotel Madiina hortiisa wiilkii dhalinyarada ahaa Allaha u raxmadee magaciisana la yiraahdo Zakariye Cabdiraxiim Maxamed oo 18 sano jir ahaa, wuxuu astaan u yahey kacdoonka biloowday ana rajeynayo inuu la mid noqdo kii ka biloowdey dalka Tunisia oo kale, kadib markii shacabka ay ka gadoodeen dulmiga, islamarkaana waxaan ka codsanayaa Qurbajoogta Soomaaliyeed inay hiil iyo hooba ay la garab istagaan walaalahooda Soomaaliyeed dalka ka bilaabay kacdoonka, si uu guul ugu dhamaado kacdoonka biloowday insha Allah ayuu hadalkiisa ku soo gabagabeeyay mudane Cabdi Shire.

Soomaaliya Soomaali baa leh

W/Q: Yusuf Maxamed Cabdi Yusuf

Dhegeyso Heeska Goor Dhow
mrsomalia@hotmail.com

Kooxda Qeylodhaan

London

Shukri sh/C/raxmaan (Shuuto)
Axmed cali sheekh (Axmed Yare)
C/xafiid C/samad zaciimka
C/naasir maxamuud Cumar (Zeero)
C/qaadir Axmed jimcaalle
C/kariin saciid yuusuf Sujaac
jaamac abshir jaamac
xasan maxamed C/laahi (X.Gujis)
Mahad Cabdi Xeyle
Faarax xasan sahal (Faarax AP)
Mustaffe xaaji C/nuur
Saciid Daauud Cali masxaf
C/casiis maxamed diiriye
Cabaas Cismaan xaaji (Jadmaani)
Dhamaan reer Duceysane iyo Iimaan Maxamed,
waxay tahniyad aroos farxadeed u dirayaan Arooska iyo Aroosadda

C/casiis xasan Xuseen (Duceysane) iyo
Faaiso Iiman maxaed (ladan)
oo dhowaan ku aqalgaley degmada X/jajab isku waara ubad qeyr
qabana kala hela Aamiin

MA OGTAHAY DHIBAATADA
AMBASADOR MAHIGA WADO?
MISE WAABAD LA OGTOO

MIISKUU GARAACAAD
KA MAQSUUDAY ADIGUNA
IN AAN MADAX BANNAANOO
QARAMMADA MIDOOBAYNA
MIIS AAN KU LEENAHAY
TAAS MIYAAD ILOWDAY
MOWLAHEY MAQLAAYEE
KA MURGOODAY DHIBAATADA
MOORADEENA TAALEE
KOORAS/HOORIS:
SHIRQOOLKA UU MALEEGAAYO
SHIRKA MEESHA LAGU DHIGAYO
MACNAHOODA MAAN GARANE
SOOMAALIDA MEEL KA MIDA IYO
MUQDISHABA HA LOO RAR
2. BAYDKA 2AA
MALAAYIINTA DOOLARE
MAGACEENA LAGU CUNO
MARDAMBE YEELI MEYNOO
NOOMA MEERINEYSAA
ARDAY MACALINKIISII
LOOXA U MEERINAAYANA
KAMA NOQDO MARQAATIYE
MARBA SHEEKA AAN JIRIN
MAANKEYGU MA OGOLA
HORAY WIXII NA SOO MARAY
SHALUU MARAY KA SOO QAAD
MAATADA DAYACIYO
MADAAFIICDU LEYSAA
MADAXU ILA XANUUNAYE
HOORIS/KOORAS
SHIRQOOLKA UU MALEEGAAYO
SHIRKA MEESHA LAGU DHIGAYO
MACNAHOODA MAAN GARANE
SOOMAALIDA MEEL KA MIDA IYO
MUQDISHABA HA LOO RARO
Waxaa nasiibxumo weyn ah in 20 sanadood kadib la sii aqbalo jahwareerka ay beesha caalamka ay ku wadaan kuwa xafiisyada ka sameystey magaalada Nairobi iyo Addis Ababa ee sheeganaya inay yihiin kuwa raba inay xaliyaan dhibaatada ka socota dalka Soomaaliya, balse ka taajirey masiibada ka socota Soomaaliya, waxaan hubaa hadii Soomaalida si dhab ah u fekerto ayna danaheeda garato in laga bixi karo faragalinta qaawan ee shisheeyaha ku haya dalka iyo dadka Soomaaliyeed.
Dowlad ku sheeg, Baarlamaan ku sheeg, Maamul Gobaleedyo ku sheegyada beelaha iyo Kooxaha diinta ka been sheegaya ee ku qarabanay iyo marka lagu daro kuwa sheegana inay yihiin beesha Caalamka sida UNPOS/UNDP/WFP & IGAD dhamaantood Soomaaliya xal uma wadaan, mana looga fadhiyo inay dhibaatada daba dheeratey soo afjaraan, marka waxaa loo baahan yahey in Soomaalida ka wada tashato danaheeda qaaska u ah iyaga islamarkaana ay badbaadiyaan dadka iyo dalka, waayo 20 sanadood oo kale wax la sii dhawran kara ma harin oo laga sugo u adeege shisheeye iyo ka adeegta dalka burburey.
’’UN/UNPOS/UNDP/WFP,AU/AMISON,IGAD,EU always need a place and weak link to steal tax money.They use Somali link, Kenya and Ethopia as brokers and bingo cash in their pockets, it’s always the same sad song.’’
Heestaan oo muqaal ah waxay soo bixi doontaa dhawaan hadii Allah idmo.
W/D: Yusuf Yusuf
mrsomalia@hotmail.com
London

                                 TUUMGO-ALLE!.
                                   
Irdo-furidda gabaygaygu waa, EEBBE mahaddiise
ILAAH kaloo ma jiro Xaqa ALLOOW, adiga mooyaane
Addoonkiyo Rasuulkaagu waa, Muxammad Ammiine
Amni iyo dushiisa Nabadgelyaba, Wada ahaysiiye!!!.
 
 
AXAD, SAMAD ah adigaa ahoon, lala ismoonayne
Subxaanoow inkirid iyo wadaag, ka ilaashanide
Cibaadada adoo qudha ayuun, baa istaahila e!!!.
 
 
Waxaad tahay Amaamude ALLOOW, Lama-abuuraaye
ASAL KA-ASAL aan imanee jiray, Abadan-joogoow e
Adaan sinaba uunka u shabbihin, aynina lahayne
Ka ebyanidba iin iyo nusqaan, gabi ahaantoode!!!.
 
 
Adigaa xukumay inay nafluhu, wada idlaadaane
“DULJALAALI WAL IKRAAM”, adaa baaqi ka ahaane
Adigaa markaad oofsatana, dibu ahaysiine
Xisaab iyo abaal-gudis adaa, marin Adkaadoow e!!!.
 
 
Adigaa addoonsada makhluuqoo, Irsaaqe ahe
Arke iyo Maqlaad tahayba  aan, lala ekooynayne
Waxaan uurka ku hayiyo, wixii aan af kaga qawlo
Waad iga ogsoontahay, ammuurtayda idilkeede
Wax kastaba ogaal iyo cilmaad, Oge ku koobtaaye!!!.
 
ALLAAHU AKBAR waxaad doonto waad, wada awooddaaye
ALLIHII nabi Ibraahiim markii, oogta lagu tuuray
Dabka faray inuu barad noqdoo, Nabd aheeyaayow
Ka yar  amarradaadaad ku fulisaa, il-biriqdeede!!!.
 
 
Inkastoon cibaadada ALLOOW, aad u gudan-waayay
Qalbigaygu waa kuu Ikhlaas, WAAXIDOW adiye!!!.
 
 
“I baryaad” addoommada ku yiri, “waan aqbalayaaye”
Tuugmada RABBOOW  iga ajiib, kuu ergaan ahaye
 “ASTAAQFURULLAAH EEBBOOW”, ka yeel eber dunuubtayda
Waqay ii yiraahdaan Malaa’iguhu “AAMMIINE”!!!.
 
 
Ummad-weynta Soomaaliyeed, Ehelu-tawxiidka
Dambi-dhaaf ALLAHAYOOW iyana, saamax idilkoodba!!!.
 
Dilka ruux Islaamoo bilaash, lagu unuun-gooyo
Asaraarka iyo anafadiyo aabiyo maagga
Musuqa iyo eexaysigiyo, baas-abuurnimada
“Akhas” iyo “akhaakhuu” alaalaxa ajoon-waayay
Socotada isbaarada waddada, lagu igbaaraayo
Af-duubkiyo dad kala-iibsashada, amar-ku-taagleynta
Uqubooyinkoodii ayaa, keenay aafada
 Muddo dheer abaar iyo col baan, ku imtaxaannayne!!!.
 
 
Annagaa ku eedaysanoo, kuuma eersado e
Arammida  xumaantaan samaynnaa u aano ahe
Dulmigaan falnaad  aawadiis, nagaga aar-goyne
Adaan YAA ARXAMU RAAXIMIIN, kuu irkanayaaye
 Naga bixi alhuumada ALLOOW uur-ku-taallada leh
 U adkaysan weynnaye intaas, noogaga ekeeye
 imminkaba ALLOOW Faraj degdega noo fur iriddiisa!!!.
 
 
 
 ALLOOW ay colaadda ahligaa, soo af-jarantaaye
Iimaanka noo xoojiyoo, nagu awood-siiye
Ibliis iyo cawaankiis ALLOOW, aannu ka adkaanno
ALLOOW ururi taladeenna oo, meel san ku abbaari
Tawfiiqda EEBBOOW midnimo, noogu wada aaddi
Aakhiriyo Adduunkaba ALLOOW, nagu ammaan-yeele!!!.
 
 
Abaar aan la daadduunnay baa, nagu aloosnayde
Carro-edeg intuu oolli jiray, udubka Soomaali
Jiilaal ekeeyaa sannado, oodahaw lulaye
Isku-bixiska eedaadka ba’an,  waa af-kala qaade!!!.
 
 
Dhulku wuu arradanyahayoo waa, meel awaare ahe
Abaad-guurka deegaanku waa, oomman saxaraaye
Ulo soogan weeyaan dhirtii, waa ka eber xaabe!!!.
 
 
Oogada fallaaraha cadceeddaa u shidan aade
Uumigeedu waa heer-kul sigay,  olol xaraaraaye
Qorraxdu sababtay oonkiyo, dhan-qalankee ALLOOW sahale!!!.
 
 
Ceel booy ahaan jiray khalqiga, yaallla agihiisa
Xarig-maran ayay sida Ayaxa, ugu aguugaane
Aagaan-ku-miilaysashadu, waaba xaal ugube
Asqaa  dad iyo duunyaba heshoo, waa “aq” gaajada e!!!.
 
Anfaca neefku waa maalis iyo iibsi iyo looge
Midna lagama oontoo runtii, ma lahan iidaane!!!.
 
 
Waa doon il-daran iyo ruqoo, iishe xoolihiye
Ishkinka iyo Adhigaba raqdoodaa is-aga-taale
Aad halis waxay ugu yihiin, inay idlaadaane!!!.
 
 
Dadkuna way il-mirigleynayaan, aad u nugulkaaye
Xaammilo ibtilo haysatoo, fooshii ku adkaatay
Ummul sirirtay aadkeedna cunuggii anqarin-wayday
Jal abaydin loo waayay iyo, ubad tabaalaysan
Awoow  iyo ayeey jilicsanoo, eeri-go’an yaalla
Dadaaggaas itaalkii gabaa “YAA ALLOOW” ku lehe!!!.
 
 
 
Abaartuna ALLOOW waa  ciqaabtii Adduunyada e
Annagaa ku eedaysanoo, kuuma eersado e
Arammida  xumaantaan samaynnaa u aano ahe
Dulmigaan falnaad  aawadiis, nagaga aar-goyne
Adaan YAA ARXAMU RAAXIMIIN, kuu irkanayaaye
U adkaysan weynnaye intaas, noogaga ekeeye
 imminkaba ALLOOW Faraj dedega noo fur iriddiisa
 Naga bixi alhuumada ALLOOW uur-ku-taallada leh!!!.
 
 
ALLOOW noo irmaanee Cirkoo, nagu irsaaq roob dhaw!
ALLOOW midaan na aafayninood, nagu ammaan-yeesho!
Mid abshira mid hoodiyo  ayaan, aayotiin badan leh!
Mid arliga ugbaad iyo tigaad, ubax ka soo saara!
Mid abuurka  beeraha ka baxa, wada islaaxeeya!
Mid aroosyadiisu ay dhalaan, baarriyaal ubada!
Waqay ii yiraahdaan Malaa’iguhu “AAMMIINE”!!!.
 
DHAMMAAD.

W. T  Calideeq max’ed Xaashi. 

London-hobyonet)

 Soomaalidu waxey horay u tiri “ HAL BOOLIYIHI NIRIG XALAALA MA DHASHO”

Heestaan magaceeda waxaa la yiraahdaa GABIGIINBA NA DHAAFA. Waa erayadii abwaanka  Qaranka Mustafe Shiikh Cilmi , kasoo  horey u soo saaray heestii magaceedu ahaa  ‘’550 Xildhibaan beeso loo heli mayo’’, heestaas oo dabajoogtay tii kal hore ay isla kooxda Qaylodhaan soo saareen taasoo magaceedu ahaa ‘’ XILDHIBAANNIMOOY XAAL QAADO’’.

 Labadaas heesood oo aad uga careysay inta badan xubnaha Baarlamaanka fadhiidka ah, waxaa xusid mudan in  dadka mar walba aan dadka la wada qancin Karin, balse kooxda Qeylodhaan in eedayn loo soo jeediyay markii ay soo saareen heesta Qeylodhaan oo ah heesta kooxduba ay ku soo can baxeen, taasi waxay keentey in Jaalle Cabdi Shire Jaamac ‘’Ciyaar Jecel’’  uga jawaabey kooxdii isku dayday inay Qeylodhaanta la sii wadin heesta ‘’Kawaankii dadka’’ oo ay erayadeedu ka midka ahaayeen ‘’Ha ley dilo anoo xaqa dardaaraaye’’ .

Intaas kadib qaar aan xlilkas aheyn ayaa isku dayay in ay kooxda ku riixaan dhanka golaha Wasiirada kadib markii ay soo saareen heestii caanka noqotay ee’’ Xildhibaannimooy xaal qaado’’. War iyo dhamaantii kooxdaan wadaniyiinta ah waxey had iyo jeer ka turjuntaa dareenka shacabka  Soomaaliyeed, halka aan ku tilmaami karo inay yihiin codka dadka Soomaalida.

Heesta cusub miraheedana waxay u qoran yihiin sidatan bal nala aqrista 

BAARLAMAAN WAXGAL LIITA

GOLO DAWLAD AHAADA

AMA GEEDI WARFAA IYO

REER GARDHEERI AHAADA

GOOBTAAN AAD FADHISAAN

ISKU GEYNTA  XISAABTA

WAA LABAATAN SANNOO ISKU GAW AH

MAGACEENAAD GADATEEN

 GAMBIDEENOOD ROGTEEN

GABBALKIISII RIDEEN

GUNTA AAD KA DHIGTEEN

HOORIS AMA KOORAS:

BAL IN AAN WAX KA GAARNO

GURMAD AAN U XULNEE

GABIGIINBA NA DHAAFA

BAYDKA 2AAD.

LABA SHARIF GURXAN KOODA

ISKU GAADA RUXOODA

GEED MA LOOGU XIRNAAN

GAL-BIYEYSSAN XAREEDDA

COSOB DOOGGU GADAAMAY

AANNU GEYNO SOOMAALI

LAMA GEYNAYO TAASE

GO’DOONKAA HA AHAATEE

GALGALINTEEDA HA DHAAFIN

LEYSKUMA HEYSTO GEDAASE

WAA WAX NAFTOODA U GAARA

HOORIS AMA KORAS:

BAL IN AAN WAX KA GAARNO

GURMAD AAN U XULNEE

GABIGIINBA NA DHAAFA

BEYDKA 3AAD:

UMMAD ABAARI GANEYSAY

MIINADUU GOGOSHEEN

MADFACNA U GALBISEEN

OONNAN HEYSAN GASIINOO

KAAJADAW  RAFANEYSA

GOOR- XUN AAD QAXISEEN

U HOYAADAY GABIIRTA

GALAAS BIYAANA AAN HEYSAN

GALABTII ALLA KEENANA

MEYDKEEDII GOGLANYAAYE

BADDU AY GALCINEYSO

HOORIS AMA KOORAS:

BAL IN AAN WAX KA GAARNO

GURMAD AAN U XULNEE

GABIGIINBA NA DHAAFA.

Kooxda Qeylodhaan waxay caawa isheegeen inay ku mashquulsan yihiin soo saaristaa heestaan cusub oo muqaal ah si dadka Soomaaliyeed ula qaybsadaan marxaaladaha uu marayo dalka.

Waxaa nasiib daro weyn ah markasto oo Dowlad Soomaaliyeed baa dalka iyo dadka loo soo dhisaa aan maqalno anagana aan ku fekerno in dhibaatada haysata dadkeena looga bixi doono ay ku soo dhamaysato waqtigeeda isqab qabsi iyo xukun jaceyl lagu doonayo in lagu helo dhaqaalo iyo daneysi gaar ah, taasoo shacabka Soomaaliyeed meel kasto ay joogaan looga baahan yahey inay gartaan shirqoolada lagu hayo dalkeena islamarkaana ay haboon tahey in loo istaago sidii dalka iyo dadka loo badbaadin lahaa iyadoo aanla raadinaynin darajo iyo dhaqaale xaraan ah.

Soomaaliya waxay u baahan tahey in laga xoreeyo gacanta shisheeyaha dariska iyo kuwa diimeedka ku qarabaanaya islamarkaana nabad dhab ah oo xal lagu gaaro ay haboon tahey inta aan fursada haysano aan ka shaqayno sidii shir Soomaaliyeed oo Soomaali leedahay ugu qabsan laheyn gudaha dalkeena si looga baxo gacan bidixeenta IGAD/UNDP/UNPOS iwm ah si dalkeena loo badbaadiyo insha Allah.

W/D: Yusuf Maxamed Cabdi Yusuf

mrsomalia@hotmail.com

London