Xulalka Argentina iyo Mexico, ayaa u gudbay ciyaaraha afarta ee tartanka koobka Laatiin Ameerica.               Hobyonet Sports. Khamiis, July 12, 2007          Xulka kubadda cagta ee dalka Argentina, oo ah dalka loo saadaaliyey in uu ku guuleysanayo koobka kubadda cagta ee Laatiin America, ayaa waxa ay u gudubtay ciyaaraha semi-finalka, kadib markii ay 4 iyo 0 ku dhufteen xulka dalka Peru. Iyadoo xulka Mexico uu 6 iyo 0 ugu awood sheegtay dalka Paraguay. Maalintii Sabtida aheyd, ayaa wadanka Uruguay waxa uu dalka martida loo yahay ee Venesuala uga itaal roonaaday 4-1. Wadanka Baraasiil, ayaa waxa uu 6-1 dhinaca dhulka ugu dhigay dalka Chile si uu ugu soo gudbo ciyaaraha Semi-finalka. Ciyaar yahanka qadka dhaxe ee dalka Argentina, Juan Roman Riquelme, ayaa dhaliyey laba gool oo ka mid ah goolasha uu ku badiyey xulka Argentina, isagoo soo qaabeeyey gool 3aad oo uu u baasay ciyaaryahanka Albioeleste. Xulka dalka Mexico, ayaa waxa ay ciyaartii ay la dheeleen dalka Paraguay ahaayeen kuwa lahaa inta badan awoodda ciyaarta, waxayna fursad u diideen ciyaartoydii ka socotay wadanka Paraguay, oo aan wax gool ah dhalin. Kooxaha Argentina, Brasile, Mexico  ayaa waxa ay u soo gudbeen ciyaaraha semi-finalka ee tartanka koobka Latin America.       Hobyonet Sports News