Ciyaar yahan Messi, ayaa u suuragaliyey xulka dalkiisa in uu u soo gudbo ciyaaraha kama dambeyska ah ee Kooba America                 Hobyonet Sports. Khamiis, July 12, 2007 Xulka kubadda cagta ee dalka Argentina, ayaa 3 iyo 0 ku garaacay xulka dalka Mexico, iyadoo ay Argentina u gudubtay caiyaarta Finalka oo ay ola yeelan doonto wadanka Brasile. Ciyaaryahank dalka Argentine ee u ciyaara kooxda kubadda cagta ee dalka Ingiriiska Gabriel Heinze, ayaa goolkii ugu horreeyey u dhaliyey, waxaana goolkii labaad oo mucjiso lahaa u saxiixay xulka dalka Argentina laacibka u ciyaara kooxda Barcelone ee dalka Spain  Lionel Massi Goolka 3aad ee ay Argentine ka dhalisay dalka Mexico, ayaa waxaa uu ahaa mid rigoore, kaasoo uu u saxiixay ciyaaryahanka Juan Roman Riquelme. Kooxda Mexico, ayaa waxaa ay ciyaarto ku billawday qaab aad u wanaagsan, balse waxaa dhinaca u riixay laacibiinta dalka Argentina oo loo saadliyey in ay ku guuleysanayaan koobka Latin America. Ciyaaryahanada Javier Zanetti iyo Carlos Teves, ayaa waxaa ay dhowr goor laadad culus ku rideen gool-hayaha dalka Mexico, balse wax goolal ah halkaasi ma aysan ka dhalin. Kooxda Argentina ayaa waxa ciyaarta kama dambeysta ah iskaga hor-imaan doonaan xulka dalka Brasile oo u soo awood sheegtay ciyaartooyadii ka socotay dalka Uruguay. Argentina, ayaa waxa ay kula xarbin doonto Brasile in ay koobkaas ku guuleysato m arkii 15aad, waxaana inta badan warbaahinta Latine America ay saadaaliyeen in ciyaartooyada Argentina ay ku guuleysan doonaan koobkaasi loo tartamayo. .       Hobyonet Sports News