Owen oo iska fogeeyey in uu ka tagi doono kooxda uu muddada la joogay ee Newcastle United               Hobyonet Sports. Khamiis, July 12, 2007 Weeraryahanka dalka Ingiriiska, una ciyaara kooxda kubadda cagta ee Newcastle United. Michael Owen, ayaa shaaciyey in uusan marnaba ka tagi doonin kooxdiisa Newcastle, oo uu u sii ciyaari doono xilli ciyaareedka soo socda. Owen, oo 27 jir ah, ayaa waxaa lala xiriirinayey in uu ka tagayo garoonka ay Newcastle ku ciyaarto ee St James Park, balse wuxuu caddeeyey in ay ka go’an tahay in uu ka sii mid ahaado kooxda Magpies.  “Waxaan rumeysanahay in wakhti wanaagsan ay ii noqon karto in aan sii joogo Newcastle, taasoo ah sababta aan sida weyn ugu faraxsanahay in aan halkaan sii joogo.” Ayuu yir Owen  “ Waxaan jiray jahwareer badan oo ku aadan mustaqbalkeyga, balse waxaan u xaqiijinayaa taageerayaasha Newcastle in aanan ka tagi doonin.” Ayuu u sheegay wargeyska The Times. Owen, ayaa waxa uu seegay ka qayb galka cilli ciyaareedkii ugu dambeeyey, isagoo la dhibaatoonayey dhaawac Qatar ah oo ka soo gaaray jilibka, markii uu u ciyaarayey wadankiisa Ingiriiska caiyaarihii koobka adduunka ee 2006.       Hobyonet Sports News